طريقة عمل مقلوبة الدجاج الفلسطينية

اليكم اشهر اكلة فلسطينية وقد تم تقليدها وسرقتها ونسبها لعدة بلدان

طريقة عمل مقلوبة الدجاج

على الطريقه الفلسطينيه الاصليه والمقلوبه من اشهر الاكلات بدول الشام عموما

وهي طبخه شهيه تقدم حسب ذوق ست البيت اليكم احدى طرق المقلوبة.

المقادير /
دجاج او لحم
ملح و بهارات (فلفل اسود .. كمون .. هيل .. قرفه ..ليمون اسود ..قرنفل .. ورق غار)
بصل
ثوم
بطاطس
باذنجان
زيت
ارز
ماء

طريقة عمل مقلوبة الدجاج الفلسطينية

 

طريقة تحضير المقلوبه /

– بنظف الدجاج وبنقطعه وبنسلقه مع البهارات المعتاده والملح وبنقطع بصله عليه
– بنقلي بطاطس وباذنجان مقطعين شرائح ومملحين وبنقطع بصل جوانح وفصين توم وبنقليهم
– وبس يستوي الدجاج بنصفيه وبنقليه بنفس الزيت اللي قلينا فيه الخضار
– بعدين بنجيب طنجره وبنحط باسفلها ملاعق حديد وبنبدا نطبق المقلوبه ..
– بنضع الباذنجان والبطاطا والبصل والدجاج بالترتيب اللي بتحبيه
– وبنكون غاسلين الارز وبنضعه فوقهم وبنغمره بمرق الدجاج
– وبنحطها عالنار عالعالي اول ماتغلي بنوطي النار عالهااادي بدها تقريبا نص ساعه
– بس تستوي بنطفي عليها وبنتركها شوي ترتاح بعدين بنقلب القدر في صحن التقديم وبنخليه مقلوب شوي بعدين بنشيل القدر والتزيين حسب الرغبه
– وتقدم مع سلطة لبن بخيار … وبالعافيه 
لتطلع معك قالب اتركيها في القدر وقت لا تقلبيها على طول

طريقة عمل مقلوبة الدجاج الفلسطينية

[ads1]

او بطريقة اخرى:

المقادير
صحن أرز من أبو حبة طويلة (كمون وكركم ودقة أرز وفلفل أسود )
دجاجة منزوعة الجلد ومقطعة +( بصلة مقطعة مربعات صغيرة + ملح وفلفل أسود وكمون وحب هان وثلاث ورقات من ورق الغار وعود قرفة صغير وبهار دجاج )
2 راس بصل مقطع شرائح
راس ثوم مقشر
نص كاسة حمص مسلوق
جزرة + حبة باذنجان بقشرها + حبة بطاطا + الجميع مقطع دائري ومتبل بملح وفلفل أسود

حبة بندورة مقطعة دوائر .
الطريقة
في طنجرة نضع قطع الدجاجة لمدة خمس دقايق على نار واطية ومن ثم تقلب ومن ثم نضع الماء وتترك على نار عالية لحد ما تغلي بنشيل الزنخة إلي بتطلع عالو جه بعدين بنضيف البصلة المقطعة مربعات صغيرة وبنضيف الملح والفلفل الأسود والكمون وحب الهان وثلاث ورقات من ورق الغار وعود قرفة صغير وبهار دجاج ولما تغلي بنوطي الغاز لحد ما تستوي ومن ثم ننشل قطع الدجاج على جنب .

وبنصفي المرقة أو فقط بتشيلي ورق الغار وحب الهان وعود القرفة يلي مش عايز يصفيها
في مقلاه نضع زيت ذرة وبنقلي الجزر والبطاطا والباذنجان

والبصل والثوم .

نغسل الأرز ونصفيه

في صحن كبير نضع الأرز والحمص والكمون والكركم ودقة الأرز والفلفل الأسود والملح خفيف لأنه المرقة عليها ملح وحب الهان

ويخلط كويس .

في طنجرة تيفال أو طنجرة ما بتلزق فيها الأرز نضع قطع البندوة بالقاع ومن ثم رشة أرز على كامل قاع الطنجرة

ومن ثم نصفت قطع الدجاجة ( مع العجلة وضعت القطع بالعكس المفروض الوجه على جهه قاع الطنجرة )

ومن ثم فوقها نوزع شرئح البصل المقلية والثوم

ومن ثم الباذنجان

ثم البطاطا

ومن ثم الجزر

وفي النهاية ندير الأرز ونوزعه بالإيد على كامل الطنجرة

ومن ثم نضع 3 صحون مرقة من مرقة الدجاج وعلى نار عالية لتغلي

ومن ثم نوطي الغاز عالآخر لحد ما يتشرب الأرز كامل المرقة

وبنطفي الغاز وبنلف الطنجرة ببطانية لمدة نص ساعة

ومن ثم تقلب بصينية الأكل .

طريقة عمل مقلوبة الدجاج الفلسطينية